Passatvindane passerer i roleg fart, og vi luffar mot Karibbean. Bob Marley jammar på høgtalaren, laid back reggae set oss i rett stemning. Take it easy, ingenting som hastar. I går segla vi med genaker, heilt til dei lette vindane gjekk over til ingen vindar, og slo pusten ut av stakkaren. Motoren måtte til pers, sjøen var flat, og vi kunne sitje på fordekk og dele ein brus i solnedgangen. Natta blir tilbragt i cockpiten med nasa i ei bok, og eggtimar på ringing kvart 15. minutt. Fire timar på vakt, fire timar på puta. Kvinnedagen blei feira på kjøkkenet. I byssa står det to ferske brød og eplekake og luktar godt. No har vi 2800 mil att til Karibien, og kan allereie høyre steel-banda i det fjerne. Posisjonen vår er 10'06 S, 18'31 V, og alt er bra ombord.
Marit & Frode