Genakeren gjer jobben i dag. Vi har mindre enn 10 knops vind, sjøen flat og sola varm. Vi følger skuggen rundt cockpiten, og kan snart innta plassane i halv 5 skuggen. I går blei heile vår sløve tilværelse snudd på hovudet, då ein 15 kilos dorado beit på kroken. Nok ein gong ønska vi oss ein kjøleboks. Vi gjorde som våre bestemødre ville gjort, vi marinerte, steikte, åt, og sette i gang produksjon av fiskekaker, nok til lunsj og til middag to dagar - og resten har vi hengt til tørk. Lettsalta og med ein dæsj chili, blir det bra om nokre dagar.
I kveld passerer vi nordsida av Fernando De Noronha, og vil følge kysten nordvest til Tobago. Fugleliv og båttrafikk har tatt seg betraktelig opp, og vi er ikkje midthavs lenger. No har vi omlag 1950 mil igjen, og kan snart ha halvvegs-fest ombord.
Klikk her for å se hvor vi er på kartet.
Vi har det varmt og godt!
Marit & Frode